gmejna

Sorbische Kultur und lebendige Dorfgemeinschaft

Gmejna Ralbicy-Róžant leži w dwurěčnym teritoriju Serbow a Němcow we wokrjesu Budyšin w Sakskej.

Jónkrótnosć a wosebitosć dwurěčneje kónčiny wotbłyšćuje so na přikład we wšědnym wužiwanju serbskeje rěče kaž tež w dwurěčnych pućnikach a taflach na kromje wsow. Přez lětstotki bydla w našich wsach přewažnje Serbja. Typiske serbske swójbne mjena su přez generacije wobstali. Swójbna zhromadnosć, hajenje tradicijow a nałožkow pokazuje na zwjazanosć našich wobydlerjow z domiznu a stawiznami Serbow. Towaršliwosć a wjesne žiwjenje so we wšitkich wjesnych dźělach pěstuje. Nimo cyrkwinskich swjatych dnjow maja tež lětne wjesne swjedźenje a zarjadowanja towarstwow wulku hódnotu.